aaj bazaar men paa-bajaulaan chalo

aaj baazaar meN paa-bajaulaaN chalo

chashm-e-nam, jaan-e-shoriidaa kaafii nahiiN

tohmat-e-ishq-poshiidaa kaafii nahiiN

aaj baazaar meN paa-bajaulaaN chalo

dast-afshaaN chalo, mast-o-raqsaaN chalo

Khaak-bar-sar chalo, Khuun-baa-damaaN chalo

raah taktaa hai sab shah’r-e-janaaN chalo

aaj baazaar meN paa-bajaulaaN chalo



haakim-e-shah’r bhii, majmaa-e-aam bhii

tiir-e-ilzaam bhii, sang-e-dushnaam bhii

subh-e-nashaad bhii, roz-e-nakaam bhii

aaj baazaar meN paa-bajaulaaN chalo

in kaa damsaaz apne sivaa kaun hai

shah’r-e-jaanaN meN ab baa-safaa kaun hai

dast-e-qaatil ke shaayaaN rahaa kaun hai

rakht-e-dil baandh lo, dil figaaro chalo

phir hamiiN qatl ho aayeN yaaro chalo.

aaj baazaar meN paa-bajaulaaN chalo

Click to enjoy Nayyara Noor’s amazing rendition of this nazm.

Faiz Ahmed Faiz

Please leave a comment :)