jo kuch suujhtii hai nayii suujhtii hai

jo kuch suujhtii hai nayii suujhtii hai

main rotaa huun, un ko haNsii suujhtii hai

ye aataa hai jii men ke kausar ko chaliye

kharaabaat men duur kii suujhtii hai


jafaa ko vafaa kyuun na samjhuun main naaseh

muhabbat men acchii burii suujhtii hai


burii ho na qismat ilaahii kisii kii

ke jo suujthii hai burii suujhtii hai

“Ameer” aise vaise to mazmuun hain laakhon

nayii baat ko’ii kabhii suujhtii hai


Ameer Minai

Please leave a comment :)