kabhii hausle dil ke ham bhii nikaalen

kabhii hausle dil ke ham bhii nikaalen

idhar aao, tum ko gale se lagaa len

bhalaa zabt kii bhii ko’ii intihaa hai

kahaan tak tabiiyat ko apnii sambhaalen

ye maanaa ke aazurdah tum se hamiin the

magar aao ab ham tumhiin ko manaa len


kaho bazm-e-Jamshiid ke saaqiyon se

faqiir-e-dar-e-maikadaa kii du’aa len

“Aziz” apnaa zakhm-e-jigar to dikhaa den

magar donon haathon se vo dil sambhaalen

Aziz Lucknawi

Please leave a comment :)