kathin hai raahguzar thori door saath chalo

kathin hai raahguzar thori door saath chalo

bahut kaRaa hai safar thoRii duur saath chaalo

tamaam umr kahaaN ko’ii saath detaa hai

maiN jaantaa huuN magar thoRii duur saath chalo

nashe meN chuur huuN maiN bhii tumheN bhii hosh nahiiN

baRaa mazaa ho agar thoRii duur saath chalo

ye ek shab kii mulaaqaat bhii Ghaniimat hai

kise hai kal kii Khabar, thoRii duur saath chalo

abhii to jaag rahe haiN chiraaGh raahoN ke

abhii hai duur sahar thoRii duur saath chalo

tavaaf-e-manzil-e-jaanaaN hameN bhii karnaa hai

“Faraz” tum bhii agar thoRii duur saath chalo

(tavaaf-e-manzil-e-jaanaaN : circumabulation of the house of beloved)
Ahmed Faraz

Please leave a comment :)