subh kii aaj jo rangat hai wo pahle to na thi

subh kii aaj jo rangat hai wo pahle to na thii

kyaa Khabar aaj KhiraamaaN sar-e-gulzaar hai kaun

shaam gulzaar hu’ii jaatii hai dekho to sahii

ye jo niklaa hai liye mash’al-e-ruKhsaar, hai kaun


raat mahkii hu’ii aayii hai kahiiN se puucho

aaj bikraaye hu’e zulf-e-tarahdaar hai kaun

phir dar-e-dil pe dene lagaa hai ko’ii dastak

jaane phir dil-e-vahshii kaa talabgaar hai kaun


Faiz Ahmed Faiz

Please leave a comment :)